KUKI 2026 Spezial

Extra fir de KUKI 2026 huet de Joël Adam zesumme mam Tom Harles eng exklusiv Spezialitéit aus roudem Rubarb produzéiert: de RubarbRaiber, e Likör dee sech als Shot oder an engem gudde Lëtzebuerger Crémant dégustéiere léisst. Kommt den 31.Mee an der Brennerei laanscht a loosst iech dee Genoss net entgoen.

Kultur a Konschtfestival Kielen 2026

D'Frënn vum Brennereimusée maachen och bei der EDITION 2026 vum KUKI mat.
Am Haff vun der Brennerei stellen och en etlech Kënschtler hir Wierker aus.
Ugebuede gëtt eng grouss Auswiel u Gedrénks. Do dernieft gëtt et selwergemaachten Eisekuchen mat Zocker, Schmant oder Äerdbier. 
An der Brennerei gëtt et e puer ganz besonnesch Produit'en aus Rubarb ze schmaachen.
De Brennereimusée ass natierlech och op.

Springfield-Festival 2026

D'Frënn vum Brennereimusée sinn och dëst Joer de 16.Mee 2026 bei der zweeter Editioun vum Springfield-Festival zu Ollem dobäi. Mir assuréieren de Gedrénks-Stand a suergen dofir, datt keen Duuscht leide muss.
Komm op e Patt laanscht. Mir freeën eis.

Porte ouverte am Brennereimusée - 2026

Brennereifest 2025 - Fête de la distillerie 2025 - Distillery feast 2025

Mirabellefest 2025 - Fête de la Mirabelle 2025

Léif Frawëschdag - 15.August 2025

Mir bannen och dëst Joer erëm um 15. August (Maria Himmelfahrt) de Wësch zu Éiren vun der Muttergottes. Dëst ass eng al Traditioun zu Lëtzebuerg. Feldfriichten, Gaardefriichten a Kraider ginn zu engem Strauss gebonnen, an der Kierch geseent an duerno am Haus opgehaangen.

Comme chaque année, nous attacherons cette année aussi les herbes dans un bouquet, le "Wësch" - une vieille tradition luxembourgeoise à l'Assomption, le 15 août. Les épinettes des champs, les épinettes de jardin et les crêtes seront rassemblées en un bouquet étroit, puis rassemblées dans la masse et accrochées à la maison le lendemain à l'honneur de la Mère Sainte.

>> Réckbléck

  • Rendez-vous um 8 Auer beim Brennereimusée.
  • Mir bannen de Wësch.
  • De Wësch gëtt um 9h15 an der Mass geseent an duerno verdeelt.
  • Mir fueren op de Kierfecht op Schéimerech a gedénken de verstuerwene Memberen an hire Familljen.
  • Fir den Apéro fuere mir op de Kielener Päerdshaff.
  • Géint Mëtteg gëtt an der Brennerei gegrillt.

Mirabellefest 2025 - Fête de la Mirabelle 2025

D'Frënn vum Brennereimusée bereeden am Moment d'Mirabellefest 2025 vir. Dëst Joer ass et schonn di 3. Kéier, datt mir dozou invitéieren. Di zwou éischt Editiounen haten e groussen Zoulaf an dofir maache mir alles, datt och dëst Joer d'Mirabellefest e grousse Succès gëtt. Dofir kommt laanscht op d'Mirabellefest e Sonndeg, den 31. August 2025 am Brennereimusée zu Kielen, 13, rue d'Olm.

Actuellement, les Amis du Musée de la Distillerie préparent leur 3e Fête de la Mirabelle. Après le franc succès des éditions 2023 et 2024, tout est mis en oeuvre pour que la Fête de la Mirabelle attire cette année-ci également un grand nombre de visiteurs. Rendez-vous donc au Musée de la Distillerie à Kehlen, 13, rue d'Olm, dimanche 31 août 2025.

Springfield-Festival

D'Frënn vum Brennereimusée hunn de 24. Mee 2025 beim éischte Springfield-Festival zu Ollem "op der Wiss" matgemaach. Si hunn de Gedrénks-Stand assuréiert an dofir gesuergt, datt keen huet missten duschtereg sangen oder matdanzen.  

Meekranz 2025

Um Virowend vum 1. Mee hunn d'Frënn vum Brennereimusée de Meekranz gebonnen. Grouss a Kleng hu bei dëser Aktivitéit matgehollef. Et goufen och Meekränz um Schéimerecher Kierfecht niddergeluegt am Undenken un di verstuewe Memberen.

Porte Ouverte op Ouschterméindeg

 

  • Op Ouschterméindeg mécht de Brennereimusée seng Dieren rëm op, vun 10-17 Auer.
    Dir sidd häerzlech wëllkomm!

  • Le Musée de la Distillerie ouvre ses portes lundi de Pâques de 10 à 17 heures.
    Passez pour une visite!

  • The museum of distillery is open on Easter Monday from 10 am to 5 pm.
    Come along for a visit!